2025-рэ илъэсым шышъхьэӀум и 29-м Къэрэщэе-Щэрджэс Республикэм и Премьер-министрэу Аргун Мурат Къэрэщэе-Щэрджэсым гъэсэныгъэм исистемэ 2025 - 2026-рэ илъэс еджэгъур зэрэригъажьэщтым зэрэфэхьазырым фэгъэхьыгъэ зэхэсыгъо игъэкӀотыгъэ зэхищагъ, - къетхы макъэ къэбарлъыгъэӀэс агентствэу «РИА Къэрэщэе-Щэрджэсым».
Зэхахьэм хэлэжьагъэх Правительствэм хэтхэр, къэлэ ыкӀи район администрациехэм япащэхэр, Ӏоф зышӀэрэ отделхэм япащэхэр ыкӀи хэбзэухъумэкӀо къулыкъухэм ялӀыкӀохэр.
Зэхахьэр къызэӀуихызэ, Аргун Мурат къыхигъэщыгъ «щынэгъончъэнымкӀэ шапхъэхэу ыкӀи егъэджэн организациехэм къафагъэуцухэрэм адиштэу илъэс еджэгъуакӀэр рагъэжьэн зэрэфаер».
«Унэхэр ыкӀи классхэр агъэхьазырынхэ, санитар шапхъэхэм адиштэнхэу ыкӀи классхэр, спорт ыкӀи зэӀукӀэ унэхэр зэтегъэпсыхьэгъэнхэ, терроризмэм пэшӀуекӀогъэнымкӀэ ыкӀи машӀом щыухъумэгъэнхэмкӀэ шапхъэхэр агъэцэкӀэнхэ, гъомылапхъэхэр агъэхьазырынхэ ыкӀи еджапӀэм щынэгъончъэу кӀонхэ алъэкӀынэу зэхащэн фае», къыӀуагъ Аргун Мурат.
Аргуным къызэриӀуагъэмкӀэ, ШӀэныгъэм и Мафэ ехъулӀэу еджапӀэхэм зэкӀэми хабзэ зэрэхъугъэу зэӀукӀэ мэфэкӀхэр ащыкӀощтых. Апэрэу апэрэ классым чӀэс нэбгырэ 5000-м ехъу еджапӀэм ипчъэӀупэ къычӀэхьащт, кӀэлэегъэджэ ӀофшӀэкӀо 5118-мэ егъэджэн ӀофшӀэныр рагъэжьэщт.
Къэрэщэе-Щэрджэс Республикэм гъэсэныгъэмрэ шӀэныгъэмрэкӀэ иминистрэу Инна Кравченкэм, Роспотребнадзорым и ГъэӀорышӀапӀэ ипащэ, хэбзэухъумэкӀо къулыкъухэм ялӀыкӀохэм, нэмыкӀхэм къэгущыӀэгъухэр ашӀыгъэх.
ЗэӀукӀэгъум икIэу республикэм иеджапӀэхэм илъэсыкӀэр зэтегъэпсыхьагъэу къащырагъэжьэным фэшӀ Аргунэ Мурат пшъэрылъхэр къафишӀыгъэх. Джащ фэдэу ведомствэхэм зэдэлэжьэныгъэу азыфагу илъыр агъэлъэшынэу, илъэсыкӀэр зэтегъэпсыхьагъэу, лъэгэпӀэ инхэм арытхэу рагъэжьэнэу зэрэщытыр къыхигъэщыгъ.
Comments
Post a Comment