Бзэзэжъ Аслъан (сэмэгумкӀэ) иныбджэгъу ригъус.
Урысые зэнэкъокъоу «Чечен Республикэм иапэрэ Президентэу А. А. Кадыровым ишӀэжь фэгъэхьыгъ» зыфиӀорэм Адыгэ Республикэм испортсменэу Бзэзэжъ Аслъан кг 67-мэ ахэхьэрэ спортсменхэм якуп дышъэ медаль къыщихьыгъ, — джащ фэдэу къегъэӀо Адыгэ Республикэм физкультурэмрэ спортымрэ и Комитет.
Шэщэн Республикэм икъэлэ шъхьаӀэу Грознэ дэт Олимпиадэ спорт комплексым зэнэкъокъур щыкӀуагъ. Бзэзэжъ Аслъан къыӀэтыгъэр къэпхъотэнымкӀэ кг 125-рэ, къыӀэтыгъэр къыкӀэIэтыжьынымкӀэ кг 150-рэ, зэкӀэмкӀи кг 275-рэ къыхьыгъ. Урысые Федерацием ишъолъыр 17-мэ къарыкӀыгъэ спортсмен 166-рэ текӀоныгъэм фабэнагъ.
Comments
Post a Comment