КӀокӀо Казбек сенаторэу Къанокъо Арсен зэӀукӀэгъу дыриӀагъ

 

Къанокъо Арсен - КӀоэкӀо Казбек

Къэбэртэе-Бэлъкъар Республикэм и ЛӀышъхьэу КӀоэкӀо Казбек Урысые Федерацием и Сенат Къэбэртэе-Бэлъкъарым ыцӀэкӀэ хэт Къанокъо Арсен ӀофшӀэгъу зэӀукӀэгъу дыриӀагъ. Ар Къэбэртэе-Бэлъкъарым и ЛӀышъхьэ и Telegram канал къыщеӀо. 

«Тишъолъыр исоциальнэ-экономикэ хэхъоныгъэ, лъэпкъ проектхэм, псауныгъэр къэухъумэгъэным, гъэсэныгъэм, культурэм, спортым афэгъэхьыгъэ федеральнэ ыкӀи шъолъыр программэхэм ягъэцэкӀэн афэгъэхьыгъэ Ӏофыгъохэм татегущыӀагъ.

Урысыем и Федеральнэ ЗэӀукӀэ щытиӀэ лӀыкӀохэр хэбзэгъэуцугъэ проектхэм ягъэхьазырын ренэу хэлажьэх, шъолъыр гукъэкӀхэр ыкӀи проектхэр федеральнэ лъэгапӀэм щырагъэхъухэшъ, ахэр гъэхъагъэ ащышӀых. 

Урысыем исенаторхэмрэ Къэралыгъо Думэм идепутатхэмрэ ялъэпкъ республикэ чанэу къызэрэдырагъаштэрэр ащ ищыӀэкӀэ-псэукӀэ дэгъу шӀыгъэнымкӀэ мэхьанэшхо зиӀэ ӀахьышӀу ашӀы. 

Къэбэртэе-Бэлъкъарым ыкӀи ащ щыпсэухэрэм яфедэхэм афэгъэхьыгъэ Ӏофыгъохэм язэшӀохын тапэкӀи тызэдэлэжьэщт», — къеӀуалӀэ Къэбэртэе-Бэлъкъарым и ЛӀышъхьэ и Telegram-канал.


Comments