Анкара (Тыркуе) щыӀэ Адыгэ Хасэм изэфэс зэхахьэ я 38-рэу хасэм иунэ щэкӀогъум и 24-м, тхьаумафэм, щыкӀуагъ. Ащ фэгъэхьыгъэ къэбарыр хасэм и Facebook нэкӀубгъо къыщыхаутыгъ.
Зэфэс зэхахьэм иӀофшӀэн хасэм итхьаматэ игущыӀэкӀэ рагъэжьагъ ыкIи ащ къыкIэлъыкIоу, хьакӀэхэр къэгущыIагъэх. Ащ нэужьым илъэсэу икӀыгъэм хасэм игъэцэкIакIо куп зэшӀуихыгъэхэм афэгъэхьыгъэ къэбар къатыгъ.
Ӏофыгъохэм къадыхэлъытагъэу хасэм ипащэхэр хэдзынхэу рагъэжьагъ. Хасэм игъэцэкIакIо куп хэхьащтхэм яспискэ зы къахьыгъ ыкӀи ащ зэфэхьысыжьэу зэхахьэм къышӀыгъэмкӀэ спискэу къахьыгъэм зэфэсым хэтхэм инахьыбэм дырагъэщтагъ. Нэбгырэ 14-рэ хасэм ипащэхэм ахэхьагъ, ахэм япэщэу Хьаткъо Юсыф хадзыгъ.
Хасэм итхьэматэу хадзыгъэм тхьауегъэпсэу псалъэу къышӀыгъэм къыщиӀуагъ хасэм иучреждение гъэпсыкӀэ ыгъэпытэным, икультурнэ ӀофшӀэн зыригъэушъомбгъуным, обществэм ищыкӀагъэхэм апае Ӏоф ышӀэным зэрапылъыр. Адыгэ культурэм илъэпкъ уасэхэр къыухъумэгъэнхэм, ахэр къыткӀэхъухьэрэ лӀэужхэм алъыгъэӀэсыгъэнхэм тапэкӀи зэрэпылъыщтыр.
Мыхэр ары хасэм игъэцэкIакIо куп хэхьагъэхэр:
Хьатукъ Юсыф ХЬАТКЪО
Андархъое Сэвил АТАЧ
Зыгъал Алаэтин ЗОРЛУ
Хьаткъо Хьатиджэ ДУМАН
Гъэбыщэ Фылыз КАПЛАН
Хьэукъы Тулай ХЬАМЭРАТ АЛЫЧ
СӀыухъу Синемыс ЭРТАН
Емыз Сэтэнай ИЙИГЮН
Къэрэщэ Гужан СЕЙХАН
ПӀусӀупӀэ Хьалэ ПАРЛАЙЫДЖЫ
Къочба Мэрт КОЧЬ
Абазэ Щамыл ТАРКАЙ
Къанэн Омар КЪАЛАН
Фэсмухь М.Джан Инжи
Comments
Post a Comment