Къэбэртэе-Бэлъкъар Республикэм икъэлэ шъхьаӀэу Налщык иошъоку-тӀысыпӀэ (аэропорт) 2025-рэ илъэсым мэзи 7-кӀэ къекӀолӀэгъэ цӀыфхэм япчъагъэ нэбгырэ 102031-рэ хъугъэ - ар илъэсэу икӀыгъэм имэзэ зэфэдэхэм анахьэу проценти 10-кӀэ нахьыб, - джащ фэдэу къегъаӀу къэбар къэтыгъу агентствэу РИА Къэбэртэе-Бэлъкъарым.
Быбгъэ (Рейс) 634-рэ къырагъэблэгъагъ ыкӀи агъэкӀуагъ, ащ къегъэлъагъо проценти 16-кӀэ нахьыбэ зэрэхъугъэр. Ар зыпкъ къикӀыгъэр пассажир терминалым изэтегъэпсыхьан, ащ чэзыу зыщашӀырэ унэхэр нахьыбэ шӀыгъэнхэр, навигациер, уплъэкӀунхэр, сэкъатныгъэ зиӀэхэм апае Ӏофтхьабзэхэр нахьышӀу шӀыгъэнхэр ары.
Гъогу сетьхэм языушъомбгъункӀи мэхьанэшхо иӀагъ. Джы мыхэм афэдэ чӀыпӀэхэм цӀыфхэр макӀох: Москва (Шереметьево, Внуково) - мафэ къэс, Шъачэрэ Къазанрэ - занкӀэу.
Къэбэртэе-Бэлъкъарым Кавказым ичӀыпӀэ анахь дахэхэм зэращыщыр, Европэм икъушъхьэ анахь лъагэу Ӏуашъхьэмафэ (5642 м) зэрэщыӀэр къыхэгъэщыгъэн фае. Илъэс къэс зекӀо нэбгырэ миллионитӀум нэс республикэм къэкӀо. Республикэр тарихъ хэкужъэу Черкесием икъокӀыпӀэ щыӀ.
Мэфэ къэс къэсырэ ыкӀи къыдэкӀыжьырэ ошъокухэм (самолетхэм), ошъоку-тӀысыпӀэм къыщыхъурэ къэбархэм афэгъэхьыгъэ къэбархэр ошъоку-тӀысыпӀэм иофициальнэ сайт мы адресымкӀэ щыжъугъэгъозэн шъулъэкӀыщт: nalchik-airport.ru
Comments
Post a Comment