Дунэе зэнэкъокъоум Адыгэ Республикэм щыщ купым апэрэ чIыпIэр къыдихыгъ

 

Зэдегъэштэн есынымкIэ дунэе зэнэкъокъоу Беларус ит къалэу Брест щыкIуагъэм Мыекъуапэ икуп апэрэ чIыпIэр къыщыдихыгъ. Адыгэ Республикэр зэнэкъокъум къыщызгъэлъэгъуагъэхэр олимпиадэ  пкъызэпео еджапIэу В.С. Максимовым ыцIэ зыхьырэм ипкъызэпеуакIохэр ары. Ахэм аныбжь илъэси 7 — I0.

Беларс икъалэхэу Брест, Минск, Урысыем икъалэу Санкт-Петербург ыкIи Азэрбайджан икъалэу Баку ялIыкIохэм зэнэкъокъум хэлэжьагъэх. Мыекъуапэ щыщ купым хэтхэу Ярослав Стародубцевым, Софья Тришинам, Юлия Остапенкэм ыкIи Виолетта Журавлевам зэнэкъокъум дэгъу дэдэу зыкъыщагъэлъэгъуагъ.

Мыекъуапэ илIыкIохэм лъэныкъо зэфэшъхьафхэмкIэ текIоныгъэр ыкIи хагъэунэфыкIырэ чIыпIэхэр къыдахыгъэх. ЗэкIэмкIи медаль II къахьыгъ: дышъэу 7, ятIонэрэ ыкIи ящэнэрэ чIыпIэхэр тIурытIу. Мыщ фэдэ зэфэхьысыжьхэм яшIуагъэкIэ Мые­къуапэ икуп апэрэ хъугъэ, ащ ыуж къинагъэх Баку ыкIи Минскэ яхэшыпыкIыгъэ купхэр.

ПкъызэпеуакIохэр зыгъэхьазырыгъэ­хэр Мыекъуапэ ипкъызэпео еджапIэу В.С. Мак­симовым ыцIэ зыхьырэм игъэсакIоу Иван Говорковыр ары.

ГущыIакIэу хэтхэр:

Пкъызэпеу - Спорт.

ПкъызэпеуакIу - Спортсмен.

Хъугъэ - Къэбар.

Мы хъугъэр Адыгэ Макъэр ары къызхэтхыгъэр.