Нижегородскэ шъолъырым ит къалэу Кстово, самбэмкIэ и Дунэе академие щылэ мазэм и 17-м щегъэжьагъэу и 20-м нэс зэнэкъокъухэр щыкIуагъэх. Ащ зыныбжь илъэс 24-м емыхъугъэ спортсменхэр ары хэлэжьагъэхэр. Урысые Федерацием ишъолъыр зэфэшъхьафхэм къарыкIыгъэ спортсмен 450 зэнэкъокъум хэлэжьагъэх.
Адыгэ Республикэм щыщ бэнакIохэм текIоныгъэ къыдахыгъ ыкIи медал 3 къахьыгъ. Апэрэ ч1ып1эр къахьыгъ ыкIи дышъэ медал 2 къафагъэшъощагъ Тыгъужъ Тимуррэ Хьакъуй Амиррэ. Килограмм 53-рэ къэзыщэчыхэрэм якуп хэтыгъ Тыгъужъ Тимур. Килограмм 71-рэ къэзыщэчыхэрэм якуп щыбэнагъ Хьакъуй Амир. Джащ фэдэу ящэнэрэ чIыпIэр къыфагъэшъошагъ республикэм илIыкIоу Гъомлэшк Анзор.
КIалэхэр зыгъасэхэрэр Делэкъо Адам, Хьабэхъу Адам ыкIи Гъомлэшк Алый. Апэрэ хъугъэхэр Урысые Федерацием ихэшыпыкIыгъэ командэ хэхьагъэх.
Comments
Post a Comment