СтIашъу Юрэ зэрэIэпэIэсэ цIэрыIом имызакъоу, мамырныгъэм, зэгурыIоныгъэм, лъэпкъ зэгъэшIуным, тарихъыр ухъумэгъэным иIэшIагъэхэмкIэ фэIорышIэ ыкIи цIыфхэм къяджэ. Мызэгъэгум зэман зэблэкIыгъохэм къахэхыгъэ тарихъ хъугъэ- шIагъэхэр ыгъэфеди, адыгэ бзылъфыгъэ саем ахэр щызэрихьылIагъэх. Зы лъэныкъомкIэ ар хьатхэм ятарихъ, нэмыкIымкIэ - шъорэкI узым дунаир зыщызэлъиубытыгъэ уахътэр арых.
IэпэIасэм шъуашэу ышIыгъэр ТыгъэкъокIыпIэ лъэпкъхэм якъэралыгъо музей и Темыр Кавказ къутамэ непэ къыщагъэлъэгъуагъ.
Дунаим тет лъэпкъхэр шъорэкIым щызыухъумэгъэ Адыгэ бзылъфыгъэм ыцIэ IэпэIасэм ыгъэIугъ.
Француз зекIоу Абри де ла Мотре къытхыжьыщтыгъ адыгэ бзылъфыгъэм ихьатыркIэ адыгэхэм анапэхэр дахэхэу, шъорэкIым ымгъэкIодыгъэхэу къызэрэзэтенагъэхэр. Тарихъым къыхэнэгъэ шыхьатхэр иIэубытыпIэу СтIашъу Юрэ ишъуашэ шъорэкIым текIогъэ адыгэ бзыльфыгъэми фигъэшъошагъ. Джащ фэдэу хьатхэм къащыублагъэу я ХVIII-рэ лIэшIэгъум нэс зы шъуашэм къызэлъиубытыгъ.
ШэкI зэфэшъхьафхэр, хъурышъор ащ щигъэфедагъэх, хьатхэм ятамыгъэхэр хэдыкIыгъэх.
Хэкум ымакъ, Telegram
Comments
Post a Comment