Уцышъоу, жъуагъэ 12-рэ шабзищырэ зытет ныпыр, Адыгэ лъэпкъым иныпэу 1830-рэ илъэсым Адыгэхэм ащтагъ. 2010-рэ илъэсым щегъэжьагъэу ныпым имафэ мэлылъфэгъум и 25-м хагъэунэфыкIэу аублагъ. Адыгэ лъэпкъым анахь мэфэкI инхэм ащыщэу Адыгэ ныпым имафэ, дунаем тет Адыгэ пстэуми хагъэунэфыкIы.
Адыгэ ныпыр Адыгэ Республикэм икъэралыгъо ныпэу щыт ыкIи ащ имафэ официалнэу хагъэунэфыкIы. Къэбэртае-Бэлкъар Республикэм, Къэрэщай-Черкес Республикэм, Ставропол шъолъырым ыкIи Краснодар шъолъырым ащыIэ Адыгэ хасэхэм ныпым имафэ хагъэунэфыкIы. Джащ фэдэу Тыркуем, Иорданием, Сирием, Израилым, Америкэм, Европэм ыкIи нэмыкI хэгъэгухэм ащыпсэурэ Адыгэхэм мы мафэр хагъэунэфыкIы.
Comments
Post a Comment