Мыекъуапэ - Шъачэ - ШэкIогъум и 21-м къыщегъэжьагъэу «Имеретинскэ зыгъэпсэфыпIэ — Мыекъуапэ» зыфиIорэ гъогууанэм мафэрэ мэшIокоу N 833/834 «БзыуцIашIухъу» зыцIэр рыкIозэ ышIыщт.
Гъэмэфэ уахътэм мэшIокур мафэ къэс кIощтыгъэ, ау охътэ зэблэкIыгъом зэхъокIыныгъэхэр фэхъугъэх ыкIи джырэкIэ тхьамафэм имафэ хэхыгъэхэр ары ар зыкIорэр. Ау шэкIогъум и 21-м къыщегъэжьагъэу ар мафэ къэс кIощт.
Адыгэ Республикэмрэ Краснодар шъолъымрэ ащыпсэухэрэр зэсагъэхэм тетэу мэшIокур къэуцупIэхэм къанэсызэ ыкIи аIукIызэ ышIыщт. «БзыуцIашIухъу»-р мафэ къэс Мыекъуапэ къэуцупIэм зыщыIукIыщтыр пчъэдыжьым сыхьатыр 7-р ары, Шъачэ щыIэ Имеретинскэ зыгъэпсэфыпIэм сыхьатыр 13-м нэсыщт. Къызигъэзэжьыщтыр сыхьатыр 13-р ары, Мыекъуапэ чэщым сыхьатэ 21:41-м къынэсыжьыщт, — Джащ фэдэу МэшIокIухэр зигъэлажьэрэ купым ипресс-къулыкъу къетхы.
КъэуцупIэхэу Белореченск, Хадыженск, ТIуапсэ, ПсышIуапIэ (Лазаревск), Лыу, Тыгъэмыпс, Шъачэ, Хоста ыкIи Адлер мэшIокур къащыуцузэ ышIыщт.
Comments
Post a Comment